تعلمت

جرحتنى مرة و سكت

و تانى مرة ولا اتكلمت

بس خلاص يا حبيبى كفاية

ماللى فات انا اتعلمت

تجرح فيا و تظلم قلبى

و انا ارجعلك تانى و اسامح

و انت دايما خاين حبى

قاسى عليا قلبك جارح

عديت ليك كتير بس انت

مقدرتش حبى ليك

واستحملت عشان خاطرك

كلام كتير عشان شاريك

انا استكفيت بقى من ورا حبك

جرح و نار و كلام وملام

استكفيت من قسوة قلبك

ابعد سيبنى بجد حرام

همشى فطريقى بعيد عنك

و هدعيلك ربنا يهديك

وكفاية حبك ده هيقتلنى

انت هتفضل كدة تجرحنى

والجرح ده طبع فدمك

و مسير حظك يكسر سمك

و تحس بالم المجروح

يلا سلام منغير لقا

سايبك لضميرك و هروح

انسى جراحك فيا بقى