البحث عن الوفاء 3

ومرت الايام وانا في حالت استغراب وكل مره يجيب لي سالفه ولين سالته يرد علي بنفس الرد اللي استحاله اصدقه بدا الشك يدب فيني وفي مره من المرات حبيت اطلع للسوق وكلمتني البنت وانا في السوق وقالت لي فينك فقلتلها فقالت لاتطلعين انا دقايق واكون عندك ولما وصلت رحنا نتسوق واحنا ندور قالت ابي دورت المياه فرحت معها ولما كنا في دورت المياه دخلت هي الحمامويكرم السامع وتركت شنطتها على المرايه عندي وكانت شنطتها من النوعيه المفتوحه وفجاه دق جوالها انا بعادتي مااتلقف على احد مرررره بس بحكم الوضع اني كنت جنب الجوال والشنطه مفتوحه فماراح اغمض عيوني لمحة رقم وتجمدت في مكاني الرقم نفس رقم حبيبي وعلى طول هي اول ماسمعت النغمه طلعت وكانت مره مرتبكه وانا كنت متسمره في مكاني وعلى طول سالتها من هاذا رقمه قالت هاذا رقم صاحبي قلت لها كم رقمه واخذت تقول لي رقم نفس رقم حبيبي مع اختلاف رقمين فقلت في نفسي ياسبحان الله يمكن انعميت وعلى باللي انه رقم حبيبي واستغفرة الله اني شلون اشك في البنيه المسكينه واتهمها زور وكملنا تسوق وكانت تقولي اش تحبي من الملابس وابيك تختارين لي بذوقك ملابس عشان عندي طلعه مع صاحبي وابي انت تختارين لي بنفسك وكنت اختار لها بنفسي الملابس وبعد فتره حسيت ان حبيبي بدا مايرد علي في اوقات كثيره واذا سالته يقولي نايم وجواله صاير انتظار على طول واجابته علي يعني ماتبيني اكلم على هالجوال الا انتي المهم ان حياتي انقلبت فوق وحدر وصارت ايامي مقرفه وكل شوي يختلق لي مشكله ومره من المرات قلت له لازم اشوفك ولما شفته قلت له ليش انت متغير علي من مده وش السالفه قال لي انا بقولك شي ولازم انك تفهمينه انا صراحه ماني لاقي فيك الزوجه اللي تناسبني واحنا لازم نترك بعض قالها وليتها ماقالها مرت على ذاكرتي كل التضحيات وكل الحلوف وكل الايام الحلوه اللي كانت بينا معقوله اللي تقوله انهرت من البكاء وطلعت زي المجنونه ورجعت ...........يتبع